З 16 сакавіка па 18 красавіка 2026 г. па ініцыятыве Міністэрства лясной гаспадаркі Рэспублікі Беларусь праводзіцца рэспубліканская добраахвотная акцыя «Лес! Дабро! Парадак!». Мэта акцыі – навядзенне парадку ў лясным фондзе, абнаўленне месцаў масавага адпачынку напярэдадні летняга сезона, добраўпарадкаванне памятных пахаванняў, размешчаных у лясным фондзе, аднаўленне беларускіх лясоў.
Па традыцыі работнікі дзяржаўнага прадпрыемства «Дзяржбудэкспертыза па г. Мінску» прынялі ўдзел у гэтай акцыі.
На тэрыторыі Астрашыцка-Гарадоцкага лясніцтва ДСЛУ «Бараўлянскі спецлясгас» 03.04.2026 работнікі на чале з кіраўніцтвам прадпрыемства, першаснай прафсаюзнай арганізацыі, членамі БСЖ прадпрыемства прыбіралі тэрыторыю ляснога фонду ўздоўж пад’язных шляхоў да месца масавага адпачынку на беразе вод. Падчас правядзення акцыі быў дасягнуты значны вынік: тэрыторыя вакол пляжа стала больш чыстай і прывабнай, гатова да прыёму наведвальнікаў.
