Гэты дзень заснаваны Сусветнай арганізацыяй аховы здароўя (СААЗ) па ініцыятыве Сусветнага альянсу па барацьбе з гепатытам. Дата 28 ліпеня была выбрана не выпадкова, у гэты дзень нарадзіўся вучоны, лаўрэат Нобелеўскай прэміі доктар Барух Бламберг, які адкрыў вірус гепатыту B і які распрацаваў дыягнастычны тэст на вірус і вакцыну супраць яго.
Гепатыт – гэта віруснае захворванне печані, якое наносіць велізарны ўдар па ўсім арганізму. Сімптомы хранічнага захворвання гепатытам B або C могуць не праяўляцца на працягу доўгага часу, часам некалькіх гадоў або дзесяцігоддзяў. Гэтая хвароба можа павольна і непрыкметна разбураць печань і, у канчатковым выніку, развіцца ў рак печані.
Па дадзеных СААЗ вірусным гепатытам B або C інфіцыравана 325 млн чалавек ва ўсім свеце, і штогод ад яго памірае за 1,4 млн чалавек. Па ўзроўні смяротнасці дадзеная інфекцыйная хвароба стаіць на другім месцы пасля туберкулёзу, а колькасць людзей, інфіцыраваных гепатытам, у 9 разоў перавышае колькасць ВІЧ-інфіцыраваных. Смяротнасць ад гепатыту расце на працягу апошніх двух дзесяцігоддзяў, што сведчыць аб недастатковай інфармаванасці і мерах барацьбы з праблемай ва ўсім свеце, у тым ліку на ўзроўні дырэктыўных органаў.
Неабходна пакласці канец ігнараванню і няведанні ў дачыненні да гепатыту – прыміце ўдзел у абмене інфармацыяй. Даведайцеся больш і раскажыце іншым пра рызыкі, звязаныя з вірусным гепатытам, і карыстайцеся службамі тэставання. Калі ў Вас дыягнаставалі гепатыт В або C, абмяркуйце з медыцынскімі работнікамі магчымасці лячэння, кантролю або поўнага лячэння. Пры раннім выяўленні можна пазбегнуць рызыкі хранічнага захворвання і цяжкага фінансавага цяжару для Вас і Вашай сям’і. Пачніце дзейнічаць сёння.
