3 чэрвеня 2026 года на базе дзяржаўнага прадпрыемства “Галоўдзяржбудэкспертыза” прайшоў семінар для экспертаў органаў дзяржаўнай будаўнічай экспертызы. Мерапрыемства было арганізавана з мэтай павышэння ўзроўню прафесійнай кампетэнтнасці спецыялістаў і забеспячэння адзіных падыходаў да экспертызы праектнай дакументацыі. Семінар прайшоў у сумешчаным фармаце: спецыялісты з Мінска прысутнічалі вочна, а прадстаўнікі рэгіянальных прадпрыемстваў падключыліся да абмеркавання праз відэаканферэнцсувязь.
У якасці запрошаных лектараў выступілі спецыялісты РУП “Будтэхнорм”: Кірыновіч Вольга Аляксандраўна – начальнік Цэнтра маніторынгу бягучых цэн і Сычова Вольга Анатольеўна – намеснік начальніка Цэнтра маніторынгу бягучых цэн. Ад дзяржаўнага прадпрыемства «Галоўдзяржбудэкспертыза» з дакладам выступіў Міхалькевіч Мікалай Міхайлавіч – галоўны эксперт упраўлення метадалогіі дзяржбудэкспертызы.
У рамках семінара ўдзельнікі абмеркавалі шэраг праблемных пытанняў, звязаных з вызначэннем і пацвярджэннем кошту будаўнічых матэрыялаў, вырабаў і канструкцый у адпаведнасці з Інструкцыяй аб парадку вызначэння каштарыснага кошту будаўніцтва і складання каштарыснай дакументацыі на падставе нарматываў расходу рэсурсаў у натуральным выражэнні, зацверджанай пастановай Міністэрства архітэктуры і будаўніцтва Рэспублікі Беларусь ад №12.
