У дзяржаўным прадпрыемстве “Галоўдзяржбудэкспертыза” прайшла сустрэча з дэлегацыяй з Азербайджанскай Рэспублікі

З 30 сакавіка па 2 красавіка 2026 года ў нашу краіну з дзелавым візітам прыбыла дэлегацыя Асацыяцыі вытворцаў будаўніцтва Азербайджанскай Рэспублікі (ATIA). Мэта паездкі – прадоўжыць практычны абмен вопытам у сферы праектавання і будаўніцтва, а таксама намеціць шляхі развіцця двухбаковага супрацоўніцтва.

31 сакавіка 2026 года ў рамках візіту адбылася рабочая сустрэча кіраўніцтва РУП «Галоўдзяржбудэкспертыза» з прадстаўнікамі ATIA.

Удзельнікі сустрэчы дэталёва абмеркавалі ключавыя аспекты, звязаныя з парадкам правядзення дзяржаўнай будаўнічай экспертызы праектнай дакументацыі. У ходзе канструктыўнага дыялога асаблівую ўвагу ўдзялілі падабенствам у дзеючых працэдурах правядзення экспертызы, адрозненням у нарматыўных патрабаваннях і падыходах да ацэнкі праектнай дакументацыі, перспектывам укаранення перадавых практык, якія зарэкамендавалі сябе ў абедзвюх краінах, умовам рэалізацыі інвестыцыйных праектаў у будаўніцтве.

Удзельнікі выказалі ўпэўненасць, што наладжанае ўзаемадзеянне паслужыць стымулам для павышэння якасці будаўніцтва, прыцягнення інвестыцый і ўмацавання галіновых сувязей паміж нашымі краінамі.