У рамках рэалізацыі даручэння Кіраўніка дзяржавы аб кардынальным спрашчэнні арганізацыі будаўніцтва і паэтапным скарачэнні абавязковых патрабаванняў у гэтай сферы Савет Міністраў Рэспублікі Беларусь прыняў рашэнне аб аб’яднанні дзяржаўных экспертыз. Цяпер ацэнка праектнай дакументацыі будзе праводзіцца ў фармаце комплекснага падыходу.
Ключавой зменай стане выключэнне экспертызы энергетычнай эфектыўнасці як самастойнай працэдуры. З 10 красавіка 2026 г. у сувязі з уступленнем у сілу змены Закона Рэспублікі Беларусь ад 8 студзеня 2015 г. № 239-З «Аб энергазберажэнні» дадзеныя функцыі будуць ажыццяўляцца ў рамках адзінай дзяржбудэкспертызы горадабудаўнічых праектаў і праектнай дакументацыі.
Правядзенне экспертызы забяспечвае рэспубліканскае унітарнае прадпрыемства «Галоўдзяржбудэкспертыза» (падведамаснае Дзяржстандарту) і яго даччыныя прадпрыемствы ў абласцях і Мінску.
Захаванне рэгулявання і новы парадак
Дзяржстандарт захоўвае за сабой функцыі ўпаўнаважанага органа ў сферы энергазберажэння і правядзенне адзінай дзяржаўнай палітыкі ў гэтай галіне. Дэпартамент па энергаэфектыўнасці Дзяржстандарта прадоўжыць узгадненне перадпраектнай (перадінвестыцыйнай) дакументацыі для будаўніцтва энергакрыніц.
Разам з тым скасоўваецца як асобны самастойны від экспертызы – дзяржаўная экспертыза энергаэфектыўнасці.
Выкананне патрабаванняў будаўнічых норм і правілаў у вобласці энергетычнай эфектыўнасці, а таксама адпаведнасць рашэнняў, прыведзеных ва ўзгодненым Дэпартаментам заданні на распрацоўку праектнай дакументацыі будзе ацэньвацца ў рамках правядзення дзяржбудэкспертызы.
Перавагі для інвестараў і забудоўшчыкаў
Новы падыход дазваляе:
– скараціць інвестыцыйна-будаўнічы цыкл;
– скараціць адміністрацыйную нагрузку на забудоўшчыкаў.
Важна адзначыць, што ацэнка энергаэфектыўных мерапрыемстваў пры ўзвядзенні і рэканструкцыі будынкаў і збудаванняў адпавядае палажэнням Кодэкса аб архітэктурнай, горадабудаўнічай і будаўнічай дзейнасці і будзе ажыццяўляцца выключна ў рамках дзяржбудэкспертызы. Пры гэтым устаноўлены парадак і тэрміны правядзення дзяржбудэкспертызы не зменяцца.
Спрашчэнне адміністрацыйных працэдур
Скасуецца адміністрацыйная працэдура, прадугледжаная падпунктам 3.5.2 адзінага пераліку адміністрацыйных працэдур у дачыненні да суб’ектаў гаспадарання, зацверджанага пастановай Савета Міністраў Рэспублікі Беларусь ад 24 верасня 2021 г. № 548.
Атрыманне асобнага заключэння дзяржаўнай экспертызы энергетычнай эфектыўнасці па праектнай дакументацыі на ўзвядзенне і рэканструкцыю энергакрыніц больш не спатрэбіцца, таму што гэты від экспертызы перастае існаваць як самастойны.
Для заяўнікаў нічога не мяняецца
Для суб’ектаў гаспадарання, якія накіроўваюць дакументацыю на дзяржбудэкспертызу, парадак узаемадзеяння з рэспубліканскім унітарным прадпрыемствам «Галоўдзяржбудэкспертыза» і яе даччынымі прадпрыемствамі застаецца ранейшым. Разам з тым адмена неабходнасці папярэдняга атрымання асобнага заключэння па энергаэфектыўнасці дасць магчымасць скараціць агульныя тэрміны рэалізацыі інвестыцыйных праектаў.
