Дзяржаўнае прадпрыемства «Галоўдзяржбудэкспертыза» нагадвае заказчыкам і распрацоўнікам праектнай дакументацыі аб уступленні ў сілу з 05.03.2022 Указа Прэзідэнта Рэспублікі Беларусь ад 03.03.2022 № 80 «Аб будаўніцтве аб’ектаў па праектах, рэкамендаваных для паўторнага прымянення» (далей – Указ № 80). У рамках рэалізацыі Указа № 80 былі ўнесены змены ў:
– Палажэнне аб парадку правядзення дзяржаўнай экспертызы горадабудаўнічых праектаў, архітэктурных, будаўнічых праектаў, выдзяляемых ў іх чэргаў будаўніцтва, пускавых комплексаў і каштарысаў (каштарыснай дакументацыі), зацверджанае пастановай Савета Міністраў Рэспублікі Беларусь ад 30.09.2016 № 791 (далей – Палажэнне № 791);
– Інструкцыю аб парадку стварэння і вядзення рэспубліканскага фонду праектнай дакументацыі і Рэспубліканскага банка дадзеных аб’ектаў-аналагаў на будаўніцтва аб’ектаў, прадастаўлення ў карыстанне і выкарыстання матэрыялаў і дадзеных названых фонду і банка дадзеных, зацверджаную пастановай Міністэрства архітэктуры і будаўніцтва Рэспублікі Беларусь ад 26.03.2014 № 14 (далей – Інструкцыя № 14).
З улікам прынятых навэл заканадаўства пры прывязцы праектаў паўторнага прымянення распрацоўнікам дапускаецца ўносіць наступныя змены ў праект, які паўторна ўжываецца: змяненне (пры неабходнасці) каляровага рашэння аб’екта; вызначэнне каардынатаў і адзнак частак будынкаў, збудаванняў; ўдакладненне памераў, глыбіні залажэння і канструктыўных рашэнняў падмуркаў; распрацоўка дадатковых канструктыўных мерапрыемстваў з улікам гідрагеалагічных умоў будаўнічай пляцоўкі; ўдакладненне канструктыўных рашэнняў падвальных і цокальных паверхаў будынкаў, а таксама вузлоў прымыкання розных збудаванняў (тунэлі, галерэі і г.д.) з улікам асаблівасцяў рэльефу будаўнічай пляцоўкі; распрацоўка чарцяжоў вузлоў далучэння ўнутраных інжынерных сетак да знешніх сетак; ўдакладненне аб’ёмаў работ і вызначэнне каштарыснага кошту будаўніцтва аб’екта з улікам канкрэтных умоў і цэн (абзац трэці пункта 2, пункт 24 Інструкцыі № 14).
У выпадку захавання заказчыкам і распрацоўшчыкам вышэйзгаданых патрабаванняў, пры правядзенні дзяржаўнай экспертызы праектнай дакументацыі, распрацаванай метадам прывязкі праектаў паўторнага прымянення, у адпаведнасці з Указам № 80 такая дакументацыя падвяргаецца ацэнцы ў тэрмін не больш за 15 рабочых дзён у аб’ёме, устаноўленым у пунктах 6-1, 8 Дадатку 1 да Палажэння № 791.
У выпадку ўнясення змяненняў у праект паўторнага прымянення ў аб’ёме, які перавышае дапушчальны паводле Інструкцыі № 14, органы дзяржаўнай экспертызы разглядаюць такую дакументацыю як індывідуальны праект, гэта значыць, дакументацыя падвяргаецца ацэнцы ў тэрмін не больш за адзін месяц (у адпаведнасці з нормамі Закона Рэспублікі Беларусь ад 05.07.2004 № 300-З) у поўным аб’ёме, на адпаведнасць усім дзеючым патрабаванням заканадаўства.
