Згодна з пунктам 1.22 артыкула 1 Кодэкса заяўнік дзяржбудэкспертызы — заказчык, забудоўшчык, інжынер (інжынерная арганізацыя) пры аказанні інжынерных паслуг, якія звярнуліся ў орган дзяржбудэкспертызы з заявай аб правядзенні дзяржбудэкспертызы і выдачы заключэння дзяржбудэкспертызы.
Такім чынам, пачынаючы з 23 ліпеня 2024 г. заяўнікам на правядзенне дзяржбудэкспертызы горадабудаўнічага праекта, у тым ліку горадабудаўнічага праекта з унесенымі ў яго зменамі, можа выступаць толькі заказчык гэтага праекта. Распрацоўнік горадабудаўнічага праекта больш не можа выступаць заяўнікам на правядзенне дзяржбудэкспертызы.
