14 кастрычніка – Дзень стандартызацыі ў Рэспубліцы Беларусь і Сусветны дзень стандартызацыі

У Рэспубліцы Беларусь з 2000 г. гэты дзень з’яўляецца прафесійным святам – Днём стандартызацыі, падкрэсліваючы стратэгічную каштоўнасць гэтай дзейнасці для дзяржавы, эканомікі і грамадства, прызнаючы ўклад тысяч спецыялістаў у яе развіццё.

Кожны год свята ва ўсім свеце праходзіць пад пэўным дэвізам, які вызначаецца кіраўнікамі вядучых міжнародных арганізацый па стандартызацыі (IEC, ISO і ITU).

У 2023 г. ён працягвае тэму, распачатую ў 2021 г.: «Агульнае бачанне для лепшага свету. Стандарты для дасягнення Мэтаў ўстойлівага развіцця», пры гэтым акцэнтуючы ўвагу на ролі стандартаў у дасягненні мэты ўстойлівага развіцця (ЦУР) 3 «Забеспячэнне здаровага ладу жыцця і садзейнічанне дабрабыту для ўсіх у любым узросце».

Да Дня стандартызацыі і Сусветнага дня стандартызацыі арганізацыі сістэмы Дзяржстандарту ва ўсіх рэгіёнах краіны правядуць мерапрыемствы рознага фармату.

Ключавой падзеяй стане канферэнцыя, якая адбудзецца 12 кастрычніка 2023 г. у БелДІСС. Яе тэма – «Праз стандартызацыю – да ўзаемаразумення і стварэння».

Удзельнікі разгледзяць вынікі і перспектывы развіцця стандартызацыі ў Беларусі і ЕАЭС, супрацоўніцтва ў гэтай сферы з Расійскай Федэрацыяй. Шэраг выступленняў будзе прысвечаны ролі стандартаў для забеспячэння якасці прадукцыі, задавальнення запытаў эканомікі і спажыўцоў, а таксама ўкараненню навуковых распрацовак для пашырэння экспартных магчымасцяў айчыннай прамысловасці.

У рамках канферэнцыі адбудзецца цырымонія ўзнагароджання пераможцаў конкурсу «Лепшы спецыяліст па стандартызацыі» – 2023, мэтай якога з’яўляецца павышэнне аўтарытэту спецыялістаў па стандартызацыі, распаўсюджванне перадавога вопыту, а таксама выяўленне найбольш прафесійных спецыялістаў па стандартызацыі. Іх праца садзейнічае павышэнню якасці і канкурэнтаздольнасці прадукцыі, работ, паслуг, арганізацый на ўнутраным і знешнім рынках.

Галоўная мэта ўсіх праводзімых мерапрыемстваў – прыцягнуць увагу да дзейнасці ў сферы тэхнічнага рэгулявання і стандартызацыі, а таксама адлюстраваць ролю стандартаў у вырашэнні актуальных для эканомікі і грамадства пытанняў.