Дзяржаўным камітэтам па стандартызацыі Рэспублікі Беларусь у рамках рэалізацыі пункта 39 Палажэння аб парадку правядзення дзяржаўнай экспертызы горадабудаўнічых праектаў, архітэктурных, будаўнічых праектаў, выдзяляемых у іх чэргаў будаўніцтва, пускавых комплексаў і каштарысаў (каштарыснай дакументацыі), зацверджанага пастановай Савета Міністраў Рэспублікі Беларусь ад 30.09.2016 № 791, загадам ад 20.02.2017 № 23 зацверджана Палажэнне аб экспертным савеце па пытаннях правядзення дзяржаўнай экспертызы рэспубліканскага ўнітарнага прадпрыемства «Галощдзяржбудэкспертыза» і яго персанальны склад.
- ЭКСПЕРТНЫ САВЕТ З’ЯЎЛЯЕЦЦА КАЛЕГІЯЛЬНЫМ ОРГАНАМ, СФАРМІРАВАНЫ Ў МЭТАХ ВЫКАНАННЯ АСНОЎНЫХ ЗАДАЧ, ЯКІЯ ЗАКЛЮЧАЮЦЦА Ў РАЗГЛЯДЗЕ:
- пытанняў, якія тычацца найбольш складаных і адказных аб’ектаў, прадстаўленых для правядзення дзяржаўнай экспертызы ў органы дзяржаўнай экспертызы, або неўрэгуляваных заканадаўствам, з наступным далучэннем да заключэння дзяржаўнай экспертызы пратакола паседжання экспертнага савета аб прынятым рашэнні;
- пытанняў (пры неабходнасці), звязаных з нязгодай з вынікамі правядзення дзяржаўнай экспертызы горадабудаўнічай і праектнай дакументацыі (заключэннем дзяржаўнай экспертызы);
- прапаноў, якія паступаюць ад органаў дзяржаўнай экспертызы, па ўнясенні змяненняў і дапаўненняў у дзеючыя нарматыўныя прававыя акты і тэхнічныя нарматыўныя прававыя акты;
- праектаў нарматыўных прававых актаў і тэхнічных нарматыўных прававых актаў, унясенне па праектах дадзеных дакументаў рэкамендацый і прапаноў.
- З МЭТАЙ ЗАБЕСПЯЧЭННЯ ФУНКЦЫЯНАВАННЯ ЭКСПЕРТНАГА САВЕТА ЗАГАДАМ ГЕНЕРАЛЬНАГА ДЫРЭКТАРА РЭСПУБЛІКАНСКАГА ЎНІТАРНАГА ПРАДПРЫЕМСТВА «ГАЛОЎДЗЯРЖБУДЭКСПЕРТЫЗА» АД 24.03.2017 №31 АРГАНІЗАВАНЫ СЕКЦЫІ ПА ПРОФІЛІ, НАПРАМКАХ ДЗЕЙНАСЦІ І АСНОЎНЫМ ЗАДАЧАМ ЭКСПЕРТНАГА САВЕТА, ЯКІЯ ЎНАЧАЛЬВАЮЦЬ НАМЕСНІКІ ГЕНЕРАЛЬНАГА ДЫРЭКТАРА, НАЧАЛЬНІКІ ЎПРАЎЛЕННЯЎ ПА НАПРАМКАХ ДЗЕЙНАСЦІ:
- арганізацыя метадалагічнага кіраўніцтва;
- жыллёва-грамадзянскае будаўніцтва і горадабудаўніцтва;
- прамысловае і дарожнае будаўніцтва;
- калегіяльны разгляд зваротаў.
Паседжэнні экспертнага савета праводзяцца па меры неабходнасці або па даручэнні Дзяржаўнага камітэта па стандартызацыі.
